في إطار انتشار حملة “ضد التنمر” التي بدأها الفنان القدير “أحمد حلمي” ونشر بسببها فيديو توعية للآباء والأمهات عن كيفية الدفاع عن أطفالهم ضد التنمر والذي انتشر بشكل كبير على مواقع السوشيال ميديا المختلفة.
نجد الفنانة القديرة “بدرية طلبة” هي الأخرى تعيد نشر فيديو الفنان “أحمد حلمي” وتسجل موقف حدث لها مع التنمر بالرغم من أنها لم تكن طفلة وقتها بل كانت شابة كبيرة، لمعرفة الموقف الذي تعرضت له “بدرية طلبة” تابع السطور التالية…
موقف الفنانة “بدرية طلبة” مع التنمر:
“حصلى فعلا كنت مريضة بالغدة ومكنتش اعرف اللى بيحصلى ده من أعراضها كانت مخلية وزنى 45 كيلو وجاحظة عينى مسببة لى زى شلل رعاش وعدم توازن وكنت على المسرح ووقعت”.
تابعت الفنانة “بدرية طلبة” حديثها قائلة: “وأنا بحاول أقوم سمعت واحد فى الصف الأول بيقول البنت دى بتشم، خلانى ادمرت نفسياً، لأنى أصلا مش مدخنة، وممنوع أتواجد فى مكان فيه دخان لأني مريضة صدر، وعلشان كلامه الجارح ربنا أكرمنى بدكتور واستئصال الغدة اللى كانت خبيثة“.
ثم قالت: “الدكتور قالى رجوعى لحالتى الصحية و وزنى وشكلى الطبيعى بياخد سنين بعد العملية، كنت كل ما أشوف حد بيتكلم وبيبص عليا أفكر أنه بيقول نفس الكلام الجارح لحد ما شوفت فيلم آسف على الإزعاج اللى غير مجرى حياتى وخلانى أفترض حسن النية فى اللى بيتكلم أو بيبص لى، وفعلا كان ربنا أكرمنى واتعرفت والناس بيتكلموا على طعامتى وخفة دمي”.
وأنهت الفنانة “بدرية طلبة” حديثها قائلة: “وكان ربنا أكرمنى وجبت مكياج داريت الهالات السودة وحبيت عيبى وحبيت الهالات السودة وهي حبتني وتعايشنا مع بعض، وحمدت ربنا انه أكرمنى بعيب بقدر أداريه بالمكياج، اللى بيقوله أحمد حلمى مهم اوعى تدوس على جرح حد وتعايره بأى عيب فيه حرام حرام حرام تسلم يابرنس”
