كارثة أسرية في أول أيام عيد الأضحى المبارك وقعت لأسرة مصرية تقيم في المحلة حيث ذهب الوالد إلى صلاة عيد الأضحى المبارك وهو معتلي “العجلة”، وشعر الأب بالخوف من سرقة العجلة الخاصة به فقرر أن يصلي عليها، وقام أحد رواد مواقع التواصل الاجتماعي بتصوير الرجل أثناء الصلاة خلال ساعات الصباح الباكر لأول أيام عيد الأضحى المبارك، وتم تداول الصورة، في صفحة “المحلة مباشر”.
وقد أثارت تلك الصورة الخاصة بالرجل الذي يصلى صلاة العيد وهو معتلي “العجلة” حالة من الجدل كبير عبر مواقع التواصل الاجتماعي وعقب دقائق من نشرها، وانتشرت الصورة بشكل كبير، وسط تعليقات كثيرة غير مؤيدة لفعل الرجل بالإضافة إلى السخرية منه.
وروت ابنة الرجل الذي صلى العيد وهو معتلي “العجلة” التفاصيل كاملة عما حدث مع والدها من أزمات ومشاكل صحية واجتماعية بسبب انتشار تلك الصورة، وانتشارها بشكل كبير عبر مواقع التواصل الاجتماعي، حيث نشرت “أنا من مدينة المحلة الكبرى والدي كان بيصلي صلاة العيد في مساكن شركة مصر، وكان راكب العجلة بتاعته بيصلي عليها، وفي شاب صوره، حرفيًا احنا اتفضحنا أنا وإخواتي بسبب الصورة دي، ونزلت على شبكة أخبار المحلة، كلمنا الشاب اللي منزلها وحذفها، بعدها أحد المعارف لقيناه بيكلمنا بيقولنا دي نازله على المحلة مباشر، احنا بنات وكلنا متجوزين وإخواتي حصل بينهم وبين أزواجهم مشاكل وغضبه في بيت أهلي عشان أهالي أزواجهم قعدوا يتريقوا ويضحكوا، وطبعًا حاجه تمس كرامتنا، حصلت مشاكل وحاليًا أخت من إخواتي واقفة على الطلاق بسبب الموضوع ده، وبابا ميقصدش يعمل حاجه زي دي، هو كان خايف العجلة تتسرق، كلمت الشاب اللي ماسك إدارة الصفحة بتاعت المحلة مباشر بس مردش وعملي بلوك”.
وتابعت الأبنة، “للأسف المحلة صغيرة واحنا مش عارفين نشيل الصورة دي ازاي، والدي جاتله جلطة نصف جسمه الشمال مش بيتحرك بسبب الصورة من كتر التليفونات اللي جات من المعارف والقرايب والمشاكل اللي حصلت في بيوت إخواتي، واحنا في المستشفى من الساعة 4 بسبب اللي حصل”.
أقرا المزيد الأرصاد الجوية تعلن عن تفاصيل طقس ثاني أيام عيد الأضحى.. مع عرض بيان بدرجات الحرارة
