قام الإعلامي شريف مدكور، بنشر مقطع فيديو له عبر حسابه الشخصي عبر موقع التواصل الاجتماعي “فيسبوك”، أعلن فيه عن سر غيابه خلال الفترة السابقة.

وأعلن شريف مدكور، “أي مريض كانسر، يخضع للعلاج الكيماوي، مناعته بتقل، وخلال الفترة الأخيرة، تجاهلت الإرشادات الطبية، وكابرت وعافرت ونزلت الشغل، وسوقت العربية، وكنت بأسلم على أي حد بأقابله، وجالي فيروس في الدم”.

وأضاف مدكور، “لا أتذكر اسم الفيروس، هو مالوش علاج للأسف، لازم الجسم هو اللي يطرده، ونسبته عندي 900، في الوقت اللي بتوصل فيه عند باقي الناس إلى 150 أو 200، بقالي شهر وأسبوع مصاب بيه، وحرارتي وصلت إلى 39 ونص درجة مئوية، الجسم عندي بيحاول يتخلص منه، لكن عندي أناميا، والمناعة قليلة بسبب خضوعي للعلاج الكيماوي”.

وأشار مدكور خلال مقطع الفيديو الذي تم نشره، “الحرارة الحمد لله قلت عندي، وامبارح كتبت بوست أني كنت في المستشفى، ونقلت دم، عشان الجسم يقوى، ويطرد الفيروس، أنا اللي أهملت، وعافرت في الشغل، مش عايز حد يقلق، أو يخاف من مرضى الكانسر، أنا اللي قصرت في حق نفسي”.

واختتم شريف مدكور حديثه، “أنا عامل الفيديو ده مخصوص لكل مرضى الكانسر، متقلقوش، الحمد لله، خلوا بالكوا على نفسكوا، ابعدوا عن الناس، بلاش السلامات والأحضان والبوس، عشان المناعة، أنا بس كنت بأخاف أن الأطفال يزعلوا لو مسلمتش عليهم، الفترة الجاية مش هاقدر أسلم على حد، هاضطر احط كمامة، الحمد لله، أنا بخير، وربنا يشفي كل مريض إن شاء الله”.

ويجدر هنا الإشارة إلى أن الإعلامي شريف مدكور قد أعلن عن إصابته بمرض سرطان القولون خلال مطلع العام الراهن 2019.

أقرا المزيد بسبب عيد الغطاس.. تعديل جدول امتحانات اولى وثانية ثانوي