التخطي إلى المحتوى

تصريحات مثيرة من الفنانة حورية فرغلي عن علاقتها بزملائها في الوسط الفني، وأكدت أن علاقتها بزملائها مقتصرة فقط على علاقة العمل، “عمري ما اتعزمت على عيد ميلاد أو فرح أو فطار ولا عمري اتعزمت على حاجة، أنا بتكسف زيادة عن اللزوم من الخطوة الأولى”.

جاءت تلك التصريحات من الفنانة حورية فرغلي خلال لقائها ببرنامج “التاسعة” الذي يتم بثه عبر القناة الأولى، ويقدمه الإعلامي يوسف الحسيني.

وأضافت الفنانة” حصلت على جائزتين فقط في مشواري، ولا بيتقدم لي دعوات ولا بيجي لي أي دعوات في مهرجان الجونة أو غيرها، ماحييني تماما”.

حورية فرغلي: الفن شغلانة شلل مش مواهب

واستئنافت حديثها، “الفن شغلانة شلل مش مواهب، دايما بيبقوا صحاب وشلل مع بعض، وبيشتغلوا مع بعض في أعمال معينة، وأنا بعد الشغل ليّ حياتي، ومحدش فيهم بيكلمني ولا بيعزمني على حاجة، ولو حد فيهم كلمني أو عزمني على حاجة هروح لأني أحب ده”.

وأضافت، “أنا ضد الشللية، مفيش حاجة اسمها شلة حورية فرغلي، أنا فنانة وسط فنانين كتير، ومن حق كل الفنانين أنهم يشتغلوا سواء كانوا مبتدئين أو نجوم، أنا شغلتي أني أمثل قدام الكاميرا مش مين هيبقى زميلي في المسلسل أو الفيلم”.

حورية فرغلي: أنا من عيلة كبيرة وبقول للبواب “حضرتك”

وأوضحت حورية فرغلي، “أنا حفيدة فرغلي باشا وأنا من عيلة كبيرة، ووالدي دكتور كبير وأمي من عائلة كويسة، وأنا متربية كويس، لكني بعيدة كل البعد عن التناكة، أنا بقول للبواب حضرتك، هبقى تنكة إزاي؟!”.

وطرح الإعلامي يوسف الحسيني خلال لقائه مع حورية فرغلي سؤال إذا كانت تفتعل أزمات مع زملائها داخل الوسط الفني، فأجابته، “محدش بيسمع صوتي، ولما بشتغل بقعد في أوضتي، ولما بخلص المشهد أروح أوضتي تاني، أعمل أي حاجة على الآي باد وأقرأ، ولما أخلص شغلي، بكتشف أن فيه أحداث حصلت بين فريق العمل”.

إقرأ وائل جسار: أعشق الشعب المصري لم أرى منهم إلا كل خير ومحبة واحترام

التعليقات

اترك تعليقاً