تمر الفنانة ميار الببلاوي بأزمة كبيرة خلال الوقت الراهن بسبب مرض أبنها، وأكدت أن حالته الصحية حرجة للغاية بسبب سيطرة جرثومة على أمعائه بالكامل، ويمر بوقت صعب، ونشرت ميار الببلاوي عبر حسابها على موقع التواصل الاجتماعي “فيسبوك” تفاصيل حالة نجلها، مستنكرة من تصرفات الناس وأنانيتهم في ظل الظروف التي تمر بها.
رسالة ميار الببلاوي الباكية عبر فيسبوك
نشرت ميار الببلاوي على الفيسبوك، ” إيه ده إيه الدنيا دي إيه الناس دي إيه الواحد عايش في كوكب لوحده ملهوش حد ولا يفرق مع حد كلوا يالا نفسي ولو ليه مصلحة يعملك نفسه مروحة ولا ملوش متلزموش”، وأضافت، “في كلمة ست طيبة لقتني ببكي في المسجد بتاع المقابر وقالتلي دموعك غالية وفريها الجايات كتير والله استغربت كلامها وكأنها بتأهلني للي جاي النهاردة”.
ووصفت حالة أبنها الصحية، ” ابني من الصبح بيموت بين إيدي بيرجع وبيتلوي من المغص ودكاتره داخلة ومحاليل وحقن وأدوية وبكرة امتحانه الصبح لأنه في بكالوريوس ودي آخر مادة طبعا كده خلاص مفيش أمل إلا بمعجزة من عند ربنا لإنه رايح راس في راس والسخونية 40 ألاقي حد حقير كلمني وبحكيله إن ابنى تعبان وبيموت من المغص وبيصرخ يطلب الطلب اللي هو عاوزه ويقفل..عاوزه أقول الله ما يحوج حد لحد بس بعد الضنى مفيش وكده حلو أوي”.
وأعلنت ميار الببلاوي عبر بعض الوسائل الإعلامية أن حالة نجلها الصحية تزيد سوءًا منذ يومين، وقالت أنها كانت تتمنى أن يكمل مشواره ويصل للمرحلة النهائية من تعليمه بسلام فهو في بكالوريوس الاقتصاد والعلوم السياسية، وتمنت أن يكمل مسيرته التعليمية على خير ويمر بأمان، فهو متفوق بتقدير امتياز في كل المواد.
وأعلنت أن ابنها ذهب إلى الامتحان على الرغم من قلقها الشديد عليه، إلا أن أصدقائه حرصوا على الذهاب معه للامتحان وتمنت أن ينهي مشواره التعليمي بنجاح كما اعتادت منه على هذا، في ظل غياب والده، فهي من حرصت على تعليمه وتربيته لمدة 22 سنة.
